Liber Primus Paralipomenon

Caput 8

V. 6 : Hi sunt filii Ahod, principes cognationum habitantium in Gabaa, qui translati sunt in Manahath.

Liber 4, Caput 7
- Hi sunt filii Ahod principes cognationum habitantium in Gabaa, qui translati sunt in Manahath ( Ch1, 8, 6). Manahath interpretatur sepulcrum. In Manahath translati sunt, quando pro scelere in uxorem levitae perpetrato, gladio corruerunt. Quod vero sequitur: Naaman autem et Ahia et Gera ipse transtulit eos, designat eos fuisse principes et illis eminuisse Gera. Unde et singulari numero describuntur, ipse transtulit eos. De isto Gera processit progenies Gera, qui fuit pater Semei.