Liber Exodus

Auctor incertus (Hieronymus Stridonensis ?)

• Liber 2, Caput 22
  • Ipse quoque interfecit virum Aegyptium, virum dignum spectaculo ( S2, 23, 21). Vir iste Aegyptius Semei filius Jera fuit, qui maledixit David. Sciendum autem quod idem Semei de Bahurium fuit, id est, electis. Ideo Aegyptius dicitur: quia opera illius Aegyptii Deum blasphemantis, quem Moyses jubente Domino interfecit in eremo, imitatus fuit (voir: Lv, 24) . Ille enim blasphemavit Deum, et iste maledixit prophetam et regem. Dignum spectaculo ( S2, 23, 21): id est, dignum morte. Exspectabatur enim, ut si egrederetur Jerusalem, interficeretur. Habentem in manu hastam ( S2, 23, 21), id est, legem Dei: quam si meditatus fuisset, permanendo in Jerusalem, non perimeretur. Quia ergo praeceptum regis irritum fecit, exeundo foras Jerusalem: idcirco in eum a Banaia in virga, id est, rectitudine justitiae descensum est: et hasta quam non rectam tenebat, vi ab eo extorta est. Et interfecit eum hasta sua ( S2, 23, 21). Hasta enim sua interemptus est, quia non custodiendo legem, legis censura peremptus est. In lege enim ita scriptum est: Diis non detrahes, et principem populi tui non maledices ( Ex, 22, 27) [mauvais référencement: Ex, 22, 28] .