Liber Primus Paralipomenon

Caput 6

V. 15 : Porro Iosedec egressus est, quando transtulit Dominus Iudam et Ierusalem per manus Nabuchodonosor.

Liber 4, Caput 5
- (voir: Ch1, 6, 15) Josedech sacerdos, ipse est Ezras. Demonstrat hoc liber ejusdem Ezrae, ubi dicit: Et post haec verba in regno Artaxerxis regis Persarum Ezras filius Saraiae filii Azariae ( Esd, 7, 1). Sed in libro suo se praetermittit humilitatis causa. Quod vero dicit, Joanan genuit Azariam, ( Ch1, 5, 36) et ipse est Azarias, qui sacerdotio functus est in domo quam aedificavit Salomon in Jerusalem: monstrat eumdem Azariam restitisse Oziae regi, quando intravit in templum Domini cum thuribulo et terraemotus magnus factus est. Tradunt etiam eumdem Ezram esse Malachiam prophetam, qui in duodecim Prophetis ultimus est. Ipsius filius est Jesus sacerdos magnus, de quo meminit Zacharias propheta. Sciendum sane quia crebrae appellationes personarum et immutationes nominum et repetitiones, ad magnum mysterium pertinent.