Liber Primus Paralipomenon

Auctor incertus (Hieronymus Stridonensis ?)

• Liber 4, Caput 8
  • In Gabaon autem commorati sunt, pater Gabaon Jaiel et nomen uxoris ejus Maacha ( Ch1, 9, 35). Jaiel ipse est, qui in Regum scribitur Abiel pater Chis patris Saul. Abiel interpretatur, pater meus Deus; Jaiel, desertus Dei, propter meritorum distantiam. Et notandum, quia inter filios Jaiel, Ner et Chis vocantur fratres, sicut et sunt, et in Regum ita habetur. In sequentibus vero dicitur, Ner genuit Chis ( Ch1, 9, 39): non quod eum genuerit, sed quod eum educaverit, genuisse eum dicitur.