Liber Psalmorum

Angelomus Luxovensis(-c.895)

• Liber 2, Caput 23
  • Venit autem Gad ad David, et dixit ei: Ascende, constitue Domino altare in area Areuna Jebusaei. Et ascendit David juxta sermonem Gad, quem praeceperat ei Dominus. Conspiciensque Areuna,animadvertit regem et servos ejus transire ad se, et egressus adoravit regem prono vultu in terram, et ait: Quid causae est, ut veniat Dominus meus rex ad servum suum? Cui David ait: Ut emam a te aream, et aedificem altare Domino, et cesset interfectio quae grassatur in populo. Et ait Areuna ad David, ( S2, 24, 18, S2, 24, 19, S2, 24, 20, S2, 24, 21 et S2, 24, 22) etc. Areuna namque interpretatur arca, et Ornan Latine resonat lumen nobis. Bene ergo cum Deum pro offenso quo peccavit placare vellet, altarejubetur in area Areuna vel Ornan construere, ut inde unusquisque conjiciat quia aliterdivinitas ab homine placari non potest, nisi in arca cordis, per lumen rectae fidei etverae dilectionis, altare illi devotae humilitatis constituat, in quo sacrificium piaeconfessionis ac laudis Deo acceptabileofferat. Quod recte per eumdem prophetam in Psalmis manifestatur, ubi dicitur ex personaDomini: Sacrificium laudis honorificabit me. ( Ps, 49, 23) [mauvais référencement: Ps, 49] Et iterum: Sacrificium, inquit, Deo spiritus contribulatus, cor contritum et humiliatum Deus non spernit. ( Ps, 50, 19) [mauvais référencement: Ps, 50]
• Liber 3, Caput 8
  • In die illa sanctificavit rex medium atrii, quod erat ante domum Domini. Fecit quippe ibi holocaustum et sacrificium et adipem pacificorum, quia altare aereum quod erat coram Domino minus erat, et capere non poterat holocaustum et sacrificium et adipem pacificorum. ( R3, 8, 64) Quid ergo est quod Salomon sanctificavit medium atrii, offerens ibi holocaustumet sacrificium: propterea qui altare aeneum quod juxta constitutionem legis ante forestempli positum erat, non poterat totum capere, nisi quod Christus ea quae in legepropter infirmitatem ejus perfici non poterant, nunc in Ecclesia catholica plenitergerit. Ipse est enim atrium domus Domini: per ipsum ingressus patet in domo Domini inJerusalem videlicet coelestem. Quia ergo holocausta et sacri ficia omnia in altari typico Veteris Testamenti nonpoterant offerri, eo quod omnia ibi figuraliter fiebant, rex noster et sacerdos erexitaltare fidei in Ecclesia catholica, in quo pinguia holocausta et sacrificiaacceptabilia quotidie spiritualiter Deo offeruntur. Hinc est quod Dominus reprobans vetus sacrificium per Prophetam ait: Holocausta et sanguinem victimarum nolui. ( He, 10) [mauvais référencement: Ps, 39] Et item in Psalmis: Sacrificium laudis honorificabit me; et illic iter, quo ostendam illi salutare Dei. ( Ps, 49, 23) [mauvais référencement: Ps, 44]

Rabanus Maurus (780-856)

• Liber 2, Caput 24
  • Dixitque David ad Dominum, cum vidisset angelum caedentem populum: Ego sum qui peccavi, ego inique egi. Isti, qui oves sunt, quid fecerunt? Vertatur, obsecro, manus tua contra me, et contra domum patris mei. Venit autem Gad ad David in die illa, et dixit ei: Ascende, constitue Domino altare in area Ornan Jebusaei, ( S2, 24, 17 et S2, 24, 18) etc. Denique Areuna interpretatur area, et Ornan latine resonat lumen nobis. Bene ergo David cum Dominum pro offensa, qua peccavit, placare vellet, altare jubetur in area Areuna vel Ornae construere, ut inde unusquisque conjiciat quia aliter Divinitas ab homine placari non potest, nisi in area cordis per lumen certae fidei et verae dilectionis altare illi devotae humilitatis constituat, in quo sacrificium piae confessionis ac laudis Deo acceptabile offerat. Quod certe per eumdem prophetam in Psalmis manifestatur, ubi dicitur ex persona Domini: Sacrificium laudis honorificabit me. ( Ps, 49, 23) [mauvais référencement: Ps, 49] Et idem: Sacrificium, inquit, Deo spiritus contribulatus, cor contritum et humiliatum Deus non spernit. ( Ps, 50, 19) [mauvais référencement: Ps, 50] Area Areuna vel area Ornae, ipsa est videlicet Jerusalem. Emit ergo David aream et boves argenti siclis quinquaginta, quod in Paralipomenon ita legitur: Dedit ergo David Ornam pro loco siclos auri justissimi ponderis sexcentos. ( Ch1, 21) Intelligendum namque est, boves argenti siclis quinquaginta, aream vero sexcentis aureis emisse.
• Liber 3, Caput 8
  • In die illa sanctificavit medium atrii. quod erat ante domum Domini. Fecit quippe ibi holocaustum et sacrificium et adipem pacificorum, quia altare aereum, quod erat coram Domino minus erat et capere non poterat holocaustum et sacrificium et adipem pacificorum ( R3, 8, 64). Quid ergo est, quod Salomon sanctificavit medium atrii, offerens ibi holocaustum et sacrificium, quia altare aeneum, quod juxta constitutionem legis ante fores templi positum erat, non poterat totum capere, nisi quod Christus ea quae in lege propter infirmitatem ejus perfici non poterant, nunc in Ecclesia catholica pleniter gerit? Ipsa est enim atrium domus Domini, quia per ipsam ingressus patet in templum Domini, in Jerusalem videlicet coelestem. Quia ergo holocausta et sacrificia omnia in altari typico Veteris Testamenti non potuerunt offerri, eo quod omnia ibi figuraliter fiebant, rex noster et sacerdos erexit novum altare fidei in Ecclesia catholica, in quo pinguia holocausta et sacrificia acceptabilia quotidie spiritaliter Deo offeruntur. Hinc est quod Dominus, reprobans vetus sacrificium, per prophetam ait: Holocausta et sanguinem victimarum nolui ( Es, 1). Et item in Psalmis, sacrificium probans Novi Testamenti, taliter per Prophetam locutus ait: Sacrificium laudis honorificabit me, et illic iter est, in quo ostendam illi salutare Dei ( Ps, 49, 23) [mauvais référencement: Ps, 49].