Liber Quartus Regum

Angelomus Luxovensis(-c.895)

• Liber 4, Caput 21
  • In diebus illis ascendit Nabuchodonosor rex Babylonis, et factus est ei Joacim servus tribus annis, et rursum rebellavit contra eum, ( R4, 24, 1) etc. Cum semet quis cuilibet se manciparit vitio non uni, sed multis dominis obnoxiuserit. Unde Joacim quem Pharao ante censum sibi solvere coegit, nunc Nabuchodonosor rexBabylonis sibi servire tribus annis compellit. Sed quem Nabuchodonosor alium intelligimus, nisi eumdem quem Pharaonem essediximus, principem videlicet confusionis, et rectorem tenebrarumharum? Ergo cumantiquus hostis aliquem sibi censum peccati solvere persuadet, mox totum in dominumsuum redigere, et plenum servitium expendere admonet. Quid est ergo aliud tribus annis regi Babylonis servum esse quam suasione,delectatione, atque consensu antiquo hosti subditum fieri, et totum in vitiis deditum,quasi libere ab eo possideri? sed saepe contingit quod tales per Dei misericordiamadmoniti, rebellare contra nequam spiritum meditentur: hinc est quod subditur: Rursum rebellavit contra eum. ( R4, 24, 1) Nec tamen sufficit rebellare, si non perseveraverit in certamine. Qui enim ab antiqui hostis potestate se exuere desiderat, necesse est ut fortitercontra eum dimicet, et adjutorium a summa potentia assiduis precibus imploret,quatenus,divina gratia adjutus, hostem fortissimum superare, et jugum durissimumevadere queat.

Rabanus Maurus (780-856)

• Liber 4, Caput 24
  • In diebus ejus ascendit Nabuchodonosor, rex Babylonis, et factus est ei Joachim servus tribus annis; et rursum rebellavit contra eum ( R4, 24, 1), etc. Cum semel quis cuilibet se manciparit vitio, non uni, sed multis dominis obnoxius erit. Unde Joachim, quem Pharao ante censum sibi solvere coegit, nunc Nabuchodonosor rex Babylonis sibi tribus annis servire compellit. Sed quem Nabuchodonosor alium intelligimus, nisi eumdem quem Pharaonem esse diximus, principem videlicet confusionis, et rectorem tenebrarum harum? (voir: Ep, 6) Ergo cum antiquus hostis aliquem sibi censum peccati solvere persuadet, mox totum in dominium suum redigere et plenum servitium expendere admonet. Quid est ergo aliud tribus annis regi Babylonis servum esse, quam persuasione, delectatione atque consensu antiquo hosti subditum fore, et totum vitiis deditum quasi libere ab eo possideri? Sed saepe contingit quod tales, per Dei misericordiam admoniti, rebellare contra nequam Spiritum meditentur. Hinc est quod subditur: rursus rebellavit contra eum ( R4, 24, 1). Nec tamen sufficit rebellare, si non perseverarit in certamine. Qui enim antiqui hostis potestate se exuere desiderat, necesse est ut fortiter contra eum dimicet, et adjutorium a summa potentia assiduis precibus imploret, quatenus divina gratia adjutus, hostem fortissimum superare et jugum durissimum evadere queat.