image

Liber Quartus Regum

Caput 13

Liens vers les chapitres : 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25
Liens vers les versets : 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25
PrécédentSuivant

V. 20 : Mortuus est ergo Eliseus, et sepelierunt eum. Latrunculi autem de Moab venerunt in terram in ipso anno.

Poètes

Hildebertus Cenomanensis 1056-1133

  • liber 4, v. 377. 378. :

    Israel a populis Elisaeus dum tumulatur

    Latro peremptus erat, qui super hunc iacitur.

Commentaires

Angelomus Luxovensis(-c.895)

  • Liber 4, Caput 11
    • Mortuus est ergo Elisaeus et sepelierunt eum. Latrunculi quoque de Moab venerunt in terram Israel in ipso anno. Quidam autem sepelientes hominem, videntes latrunculos, projecerunt cadaver in sepulcrum Elisaei. Quod mox ut tetigit ossa Elisaei, revixit homo et stetit super pedes suos. ( R4, 13, 20 et R4, 13, 21) Quid significat haec resuscitatio cadaveris mortui per contactum ossiumElisaei, nisi vitam fidelium, quae in morte Christi veraciter constat? Quicunque ergofirma fide tangit mortem Christi, et spem suam veraciterin ipso collocat, sine dubioparticeps erit resurrectionis ejus. Dicit enim ipsa Veritas: Ego sum resurrectio et vita: qui credit in me, etiamsi mortuus fuerit, vivet. Et omnis qui vivit et credit in me, non morietur in aeternum. ( Jn, 11, 25 et Jn, 11, 26) [mauvais référencement: Jn, 11] Et alibi: Sicut Moyses, inquit, exaltavit serpentem in deserto, ita exaltari oportet Filium hominis; ut omnis qui credit in ipsum non pereat, sed habeat vitam aeternam. ( Nb, 21, Jn, 3, 14 et Jn, 3, 15)

Rabanus Maurus (780-856)

  • Liber 4, Caput 13
    • Mortuus est ergo Eliseus, et sepelierunt eum. Latrunculi quoque de Moab venerunt in terram ipso anno. Quidam autem sepelientes hominem videntes latrunculos, projecerunt cadaver in sepulcro Elisei. Quod cum tetigisset ossa Elisei, revixit homo, et stetit super pedes suos ( R4, 13, 20 et R4, 13, 21), etc. Quid significat haec resuscitatio cadaveris mortui per contactum ossium Elisei, nisi vitam fidelium, quae in morte Christi veraciter constat? Quicunque ergo firma fide tangit mortem Christi, et spem suam veraciter in ipso collocat, sine dubio particeps erit resurrectionis ejus. Dicit enim ipsa Veritas: Ego sum resurrectio et vita. Qui credit in me, etiamsi mortuus fuerit, vivet. Et omnis qui vivit et credit in me, non morietur in aeternum ( Jn, 11, 25 et Jn, 11, 26) [mauvais référencement: Jn, 11]. Et alibi: Sicut Moyses, inquit, exaltavit serpentem in deserto, ita exaltari oportet Filium hominis, ut omnis qui credit in ipsum non pereat, sed habeat vitam aeternam ( Jn, 3, 14 et Jn, 3, 15) [mauvais référencement: Jn, 3].