Liber Secundus Samuelis

Angelomus Luxovensis(-c.895)

• Liber 2, Caput 1
  • Nolite annuntiare in Geth, neque annuntietis in compitis Ascalonis, ( S2, 1, 20) etc., obstupescens propheta ingemit subitaneum casum principum populi sui, et prohibetne ullus lactetur in tali casu, neque fama hoc divulget in civitates inimicorum. Geth enim et Ascalon, urbes sunt Allophylorum. Hactenus historiam, nunc quid allegorice significet, subjungamus. Ait namque: Et praecepit David ut docerent filios Juda, ( S2, 1, 18)et reliqua. Filii Juda intelliguntur fideles in Ecclesia, Christum Dominum confitentes: de quibus verus David, id est manu fortis Dominus, praecepit, utarcu divinae intelligentiae sint muniti: ne aut ignorantiae caecitate decepti, inimpietate ruant, aut certe ignavi ac dissoluti in conspectu hostium suorum,hoc estimmundorum spirituum per quodlibet vitium decepti, succumbant: et in perpetuo inmortem animae irreparabiliter cadant. Nolite annuntiare in Geth, ( S2, 1, 20)etc. Geth, quae interpretatur torcular, significat terrenam Hierusalemcivitatem, quae occidit prophetas, et lapidavit eos qui ad ipsam missi fuerant (voir: Mt, 23) . Cujus civibus, id est Judaeis incredulis, mors Domini atque sanctorum apostolorumin derisum fuit: et ob hoc praecipitur a vero David, Christo videlicet Domino, utpassio ejus per evangelicos praedicatores, eis minime debeat annuntiari: quiinsultatores crucis Christi maluerunt esse quam veneratores. Sequitur:

Rabanus Maurus (780-856)

• Liber 2, Caput 1
  • Quomodo ceciderunt fortes? Nolite annuntiare in Geth, neque annuntietis in compitis Ascalonis, ne forte laetentur filiae Philisthiim, ne exsultent filiae incircumcisorum, ( S2, 1, 19 et S2, 1, 20) etc. Obstupescens propheta gemit subitaneum casum principum populi sui, et prohibet ne ullus laetetur in tali casu, neque fama hoc divulget in civitates inimicorum. Geth enim et Ascalon civitates sunt Allophylorum.