Liber Secundus Samuelis

Angelomus Luxovensis(-c.895)

• Liber 2, Caput 16
  • Jonathas autem et Achimaas stabant juxta fontem Rogel. Abiit ancilla et nuntiavit eis, et illi profecti sunt. ( S2, 17, 17) Haec ancilla quasi lavandi gratia cumpannis ad fontem Rogel ierat, ut penitusres non deprehenderetur: puer autem qui rem indicat Absalom, filius ejusdem ancillaeparvulus dicitur fuisse. Prius enim paulatim historiam continuando hic tangere decrevimus, ut postmodumquid mystice continuat, indagando propalemus. Sed quia de Absalom historia praetergreditur, secundum allegoriam considerarelibet, quid illud significet, quod parricida filius patrem insequitur. Primo, pater ejus declinans fugit ante faciem ejus, securus de victoria: quiasciebat impium perire, quem etiam flevit magno luctu, et deflevit exitumparricidae. Scribitur enim fugisse David a facie bellantis adversum se filii. Et alibi scriptum est de populo Hierusalem, Domino dicente: Filios enutrivi et exaltavi, ipsi autem spreverunt me. ( Es, 1) Filius ergo ejus impius tropice accipi potest populus Judaicus, qui eumtradidit. Absalom autem, sicut ante jam dictum est, intelligitur patris pax. Quodmirum videtur in historia, patris pax quemadmodum possit intelligi, qui patrem belloest persecutus. Sed qui diligenter allegoriam intendunt, inspiciunt Absalom esse Hierusalem: quaeetiam et ipsa pax interpretatur. A cujus facie in Galilaeam fugit, Christus videlicet, qui eam patiendo deserens,in gentibus per fidem secessit. Alii Absalom, Judam traditorem accipiunt, quem non bonum tanta etiam mirandapatientia Christus pertulit tanquam bonum, cum ejus cogitationes non ignoraret. Cum adhibuit convivium, in quo corporis et sanguinissui figuram, discipuliscommendavit et tradidit: quod denique in ipsa traditione et osculum accepit. Bene intelligitur pacem Christum exhibuisse traditori suo, quamvis ille scelerataecogitationis interno bello vastaretur. Et ideo Absalom patris pax dicitur, quia pater habuit pacem quam ille nonhabuit. Hanc enim posteriorem sententiam non commentando protulimus, sed de dictis beatiAugustini ex titulo videlicet tertii psalmi in quibus tanquam clarissima tubadisputando resonans edisserit, decerpsimus. Achitophel igitur qui, recedens a David, ad Absalom transmigraverat, haereticossignificat qui, recedentes a tramite veritatis, se sociant hosti antiquo, etsubsequuntur errorem: interpretatur autem frater meus cadens: Gilonites vero transmigratio. Contra quos Propheta increpans, dicit: In Domino confido, quomodo dicitis animae meae, transmigra in montem sicut passer? ( Ps, 10, 2) [mauvais référencement: Ps, 10] Et merito tales laqueo diaboli atque malitiae suae vitam propriam finiunt, quialienam pravis suasionibus corrumpere satagunt. Sicut ipse in propria domo suspendio interiit, qui alienae vitae, hoc est David,insidiatus est. Unde scriptum est: Qui fodit foveam, incidet in illam. ( Pr, 26 et Si, 10) Sed quid aliter significet, dicemus in posterum.

Rabanus Maurus (780-856)

• Liber 2, Caput 17
  • Scit enim omnis Israel fortem esse patrem tuum, et robustos omnes qui cum eo sunt. Jonathas autem et Achimaas stabant juxta fontem Rogel. Abiit ancilla, et nuntiavit eis; et illi profecti sunt. ( S2, 17, 10 et S2, 17, 17) Haec ancilla, quasi lavandi gratia, cum pannis ad fontem Rogel ierat, ut penitus res non deprehenderetur. Puer autem, qui rem indicavit Absalom, filius ejusdem ancillae parvulus dicitur fuisse. David autem venit in castra, quae Manaim Hebraice leguntur: in quo loco obviam fuerunt angeli Dei Jacob, sicut in Genesi scribitur: Et vocavit Jacob nomen loci Manaim, id est castra. ( Gn, 32) Haec vero, juxta Hebraei sensum, secundum historiam dicta sufficiant.

Auctor incertus (Hieronymus Stridonensis ?)

• Liber 2, Caput 17
  • Scit enim omnis Israel fortem esse patrem tuum, et robustos omnes qui cum eo sunt. Abiit ancilla, et nuntiavit eis. Et illi profecti sunt ( S2, 17, 10 et S2, 17, 17) [mauvais référencement: S2, 17, 20] . Haec ancilla quasi lavandi gratia cum pannis ad fontem Rogel ierat, ut penitus res non deprehenderetur. Puer autem, qui rem indicavit Absalom, filius ejusdem ancillae parvulus dicitur fuisse.