Liber Secundus Samuelis

Hugo de Sancto Victore -1141

• Liber 1, Caput 2
  • Ingressus est ad Abigail filiam Naas. ( S2, 17, 25) Naas ipse est Isai et Jesse pater David.

Auctor incertus (Hieronymus Stridonensis ?)

• Liber 2, Caput 17
  • Amasa autem erat filius viri, qui vocabatur Jethra de Jezraele ( S2, 17, 25). In Hebraeo legitur: Jethra Ismaelites. Unde et in Paralipomenon ita legitur: Abigail autem genuit Amasa, cujus pater fuit Jether Ismaelites ( Ch1, 2, 17). Ismaelites enim idem Jether vocatur, quia filius ejus Amasa opera Ismaelis imitatus, David fugientem nequaquam est comitatus, cui dixerat: Tui sumus, o David, et tecum filii Isai ( Ch1, 12, 19). In libro vero Samuelis idcirco Jethra Jezraelites vocatur, quia peccatum Amasae filii ejus, quod in David perpetraverat Joab, eum, id est, Amasam percutiente deletum est.
• Liber 2, Caput 17
  • Qui ingressus est ad Abigail filiam Naas sororem Sarviae ( S2, 17, 25). Naas interpretatur coluber. Idcirco coluber, quia nullum admisisse mortiferum perhibetur peccatum, nisi in quod originaliter de serpente antiquo contraxit. Est etiam Naas qui et Isai pater David, sicut in Paralipomenon demonstratur: ubi enumeratis filiis Isai, legitur, quorum sorores fuerunt, Sarvia, et Abigail ( Ch1, 2, 16).