Liber Secundus Samuelis

Caput 24

V. 2 : Dixitque rex ad Ioab principem exercitus sui: Perambula omnes tribus Israel a Dan usque Bersabee, et numerate populum, ut sciam numerum eius.

liber 2, v. 177. 178. 179. 180. :

Israel et Iudae David populos numeravit,

Gadque propheta Dei convenienter ait:

Trina dies pestis, vel erunt septem famis anni,

Vel fuga tres menses toleranda tibi.

Liber 2, Caput 23
- Et addidit furor Domini irasci contra Israel, commovitque David in eis, dicentem: Vade, numera Israel et Judam. Dixitque rex ad Joab principemexercitus sui: Perambula omnes tribus Israel a Dan usque Bersabee, et numera populum, ( S2, 24, 1 et S2, 24, 2) et reliqua. Fastu enim superbiae tactus, et repentino tumore elationis inflatus pro culpapopuli, maxime qui eum in proditione Uriae non redarguit, occulto judicio Dei contravoluntatem Domini eumdem populum numerare compulit: culpa enim illius punita fuerat,sed peccatum populi (ut dictum est) inultum manebat.

Liber 2, Caput 24
- Commovitque David in eis dicentem: Vade, numera Israel et Judam. Dixitque rex ad Joab principem exercitus sui: Perambula omnes tribus Israel a Dan usque Bersabee. Et numerate populum, ut sciam numerum ejus, ( S2, 24, 1 et S2, 24, 2) etc. Pro qualitatibus subditorum disponuntur acta regentium, ut saepe pro malo gregis, etiam viri boni delinquat vita pastoris. Ille enim, Deo attestante, laudatus, ille supernorum mysteriorum conscius David propheta, tumore repentino elationis inflatus, populum numerando peccavit, et tamen vindictam populus, David peccante, suscepit. Cur hoc? Quia videlicet secundum meritum plebium disponuntur corda rectorum. Justus vero judex ex ipsorum animadversione corripuit peccantes, rex quorum causa peccavit. Sed quia ipse, sua scilicet voluntate superbiens, a culpa alienus non fuit, vindictam culpae ipse etiam suscepit. Nam ira saeviens, quae corporaliter populum perculit, rectorem quoque populi intimo cordis dolore prostravit.

Liber 1, Caput 2
- Et addidit furor Domini. ( S2, 24, 1) Addidit supradictis flagellis hoc, id est hanc iram. Et commovit ipse Dominus, commovit David in eis, ( S2, 24, 1) id est ad faciendum, quod fieret contrarium illis; David dico dicentem Joab: Vade, numera e Israel, ( S2, 24, 1) hoc est quod sequitur: Dixit rex ad Joab. Percussit autem cor David eum, ( S2, 24, 2 et S2, 24, 10) id est conscientia remordebat eum eo quod fecerat.