Liber Secundus Samuelis

Caput 2

Liens vers les chapitres : 1 2 3 4 5 6 7 8 9 10 11 12 13 14 15 16 17 18 19 20 21 22 23 24

Liens vers les versets : 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32

Précédent Suivant

V. 26 : Et exclamavit Abner ad Ioab, et ait: Num usque ad internecionem tuus mucro desaeviet? an ignoras quod periculosa sit desperatio? usquequo non dicis populo ut omittat persequi fratres suos?

Poètes

Ps. Hildebertus Cenomanensis Pseudo-Hildebertus

liber 2, v. 51. 52. :

‚Scis‘ ait ille Ioab, ‚quia desperatio fortis

Afficit audaces et validos fragiles.
liber 2, v. 53. 54. :

An cupis in gladio totam consumere gentem?

A modo cognatum parce sequi populum.

Commentaires

Angelomus Luxovensis(-c.895)

Liber 2, Caput 2
- Et exclamavit Abner ad Joab, et ait: Num usque ad internecionem tuus mucro desaeviet. ( S2, 2, 26) Hebraeus, ut legi in cujusdam disputatione, non habet tuus. An ignoras quod periculosa sit desperatio? ( S2, 2, 26) In Hebraeo ita habetur: « An ignoras quod amarus erit finis? » Et est sensus:Nunquid ignoras quod ad amaritudinem tibi proveniat, eo quod populum hunc delereniteris?

Auctor incertus (Hieronymus Stridonensis ?)

Liber 2, Caput 2
- Et clamavit Abner ad Joab, et ait: Num usque ad internecionem tuus mucro desaeviet? ( S2, 2, 26) Hebraeus non habet, tuus. An ignoras, quod periculosa sit desperatio? ( S2, 2, 26) In Hebraeo ita habetur: An ignoras, quod amarus erit finis. Et est sensus: Numquid ignoras, quod ad amaritudinem tibi proveniet, eo quod populum hunc delere niteris.