Liber Secundus Samuelis

Caput 3

Liens vers les chapitres : 1 2 3 4 5 6 7 8 9 10 11 12 13 14 15 16 17 18 19 20 21 22 23 24

Liens vers les versets : 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39

Précédent Suivant

V. 8 : Quare ingressus es ad concubinam patris mei? Qui iratus nimis propter verba Isboseth, ait: Numquid caput canis ego sum adversum Iudam hodie, qui fecerim misericordiam super domum Saul patris tui, et super fratres et proximos eius, et non tradidi te in manus David, et tu requisisti in me quod argueres pro muliere hodie?

Poètes

Hildebertus Cenomanensis 1056-1133

liber 2, v. 19. 20. :

Respha Saul pellex coit Abner; at Isboseth illum

Arguit: inde minax deserit Abner eum.

Commentaires

Angelomus Luxovensis(-c.895)

Liber 2, Caput 3
- Respondit Abner iratus ad Isboseth: Nunquid caput canis ego sum adversum Juda hodie, qui fecerim misericordiam super domum Saul patris tui et super fratres et proximos ejus? et non tradidi te in manu David, et tu requisisti in me quod argueres pro muliere hodie? ( S2, 3, 8)et reliqua. Ac sidiceret: Propter te, et propter domum patris tui, dicor caput canis essecontra Judam, eo quod non reduco domum Israel ad David, quem scio unctum esse regem,et regnaturum fore super universum regnum Israel. Caput canis se dicit esse, id est vilem, eo quod a domo Juda sic haberetur, sicutlatratus canis, et eo quod princeos esset canum, id est stultorum hominum.

Auctor incertus (Hieronymus Stridonensis ?)

Liber 2, Caput 3
- Numquid caput canis ego sum adversus Judam ( S2, 3, 8)? Ac si diceret: Propter te et propter domum patris tui dicor caput canis esse contra Judam, eo quod non redacam domum Israel ad David, quem scio unctum esse regem, et regnaturum super universum Israel. Caput canis se dicit esse, id est, vilem, eo quod a domo Juda sic haberetur sicut latratus canis: et eo quod princeps esset canum, id est, stultorum hominum.