Liber Quartus Regum

Angelomus Luxovensis(-c.895)

• Liber 4, Caput 6
  • Factum est autem post haec congregavit Benadab rex Syriae universum exercitum suum, et ascendit et obsidebat Samariam, factaque est fames magna in Samaria, ( R4, 6, 24 et R4, 6, 25) etc. Narrat Scriptura quod Benadab rex Syriae obsideret Samariam: facta autem fame,afflictus est populus valde, sed Domino miserante, revelatum est Elisaeo verbumDomini, et praedixit populo solatia ventura, ita dicens: « Haec dicit Dominus. »

Rabanus Maurus (780-856)

• Liber 4, Caput 8
  • Factum est autem post haec, congregavit Benadad rex Syriae universum exercitum suum et ascendit et obsedit Samariam. Factaque est fames magna in Samaria ( R4, 6, 24 et R4, 6, 25), etc. Narrat Scriptura quod Benadad rex Syriae obsideret Samariam. Facta autem fame, afflictus est populus valde; sed, Domino miserante, revelatum est Eliseo verbum Domini, et praedixit populo solatia futura, ita dicens:

Hugo de Sancto Victore -1141

• Liber 1, Caput 4
  • Quarta pars cadi stercoris columbarum. ( R4, 6, 25) Cadus mensura est: stercus columbarum quidem idcirco ab esurientibus ereptum putant, ut grana a columbis a longe delata stercori forte mista et electa aliquam famelicis refectionem praeberent.

Theutmirus; Claudius Taurinensis

• Proemium, Caput 3
  • Facta est fames magna in Samaria, et tandiu obsessa est, donec venundaretur caput asini octoginta argenteis, et quarta pars capi stercoris columbarum quinque argenteis ( R4, 6, 25) [mauvais référencement: R4, 6, 21] . Quid est capi stercoris ? (Sed vulgata recte habet pars cabi stercoris ( R4, 6, 25): quam ob rem dicendum est: quid est quarta pars cabi stercoris ?)
• Liber 4, Caput 2
  • Factum est autem post haec congregavit Benadab rex Syriae universum exercitum suum, et ascendit, et obsedit Samariam. Facta est autem fames magna in Samaria, et tamdiu obsessa est civitas, donec venundaretur caput asini octoginta argenteis, et quarta pars cabi stercoris columbarum quinque argenteis ( R4, 6, 24 et R4, 6, 25), etc. Fames Samariae illata inopiam significat verbi Dei, sive egestatem fidei, per quam diabolus ante adventum Salvatoris Dei populum concluserat. Caput asini octoginta argenteis venundatum significat superbiam, quae initium est omnis peccati ( Si, 10, 15). Per asinum enim, quod immundum est animal, omnia vitia diaboli praefigurasse non dubium est, quorum, ut dictum est, caput est superbia. Hanc reprobi omnes neglecto decalogo legis, atque ogdoada Evangelii, in qua imago est Dei, in cibum sibi maluerunt absumi, quam panem verbi Dei. Quarta vero pars cabi stercoris columbarum, quod quinque argenteis emptum, in cibum sumi dicitur, hoc figurasse videtur, quod populus reprobus, relicta cultura Dei, atque quinque corporis sensibus subditus, per idolorum culturam, et simulationem, velut quodam fetore peccatorum pasti, diabolo satisfaciebant. Duae mulieres, quarum una famis inopia coctum filium suum comedit, reprobam plebem ex Judaeis significasse non dubium est, quae omne bonum, quod in se originaliter habere potuit, inopia fidei consumpta consumpsit: alia vero, quae in tale facinus consensum praebere renuit, electam plebem procul dubio figuravit.