Liber Primus Samuelis

Angelomus Luxovensis(-c.895)

• Liber 1, Caput 16
  • Dixitque ad David pater suus: Vade ad fratres tuos, visitabis si recte agant, et cum quibus ordinati sunt, disce. ( S1, 17, 17 et S1, 17, 18) In Hebraeo ita habetur: « Et fratres tuos visitabis si recte agant, et pignoraeorum tollentes. » Pignora in hoc loco, Hebraei libellum repudiiintelligunt. Secundum usum gentis illius fecerunt, ut quando ibatur ab eis in pugnam libellosrepudii uxoribus suis darent, ut si contigissetvirum in praelio capi et incaptivitatem duci, mulier ejus, exspectatis tribus annis, si vir ejus non rediisset,alium duxisset virum. Eligat prudens lector quid sibi placuerit, nos simplicitatem historiae nostraetenere decrevimus.

Auctor incertus (Hieronymus Stridonensis ?)

• Liber 1, Caput 15
  • Et fratres tuos visitabis si recte agant: et cum quibus ordinati sunt, disce ( S1, 17, 18). In Hebraeo ita habetur: Et fratres tuos visitabis, si recte agant: et pignora eorum tolles. Pignora in hoc loco Hebraei libellos repudii intelligunt. Siquidem usum illius gentis fuisse ferunt, ut quando ibatur ab eis in pugnam, libellos repudii uxoribus suis darent: ut si contigisset virum in praelio capi, et in captivitatem duci, mulier ejus exspectatis tribus annis, si vir ejus non redisset, alium duceret virum.